Atebion Wyneb Ffrithiant Uchel
Gwella diogelwch eich rhwydwaith ffyrdd a mannau problemus ar gyfer damweiniau wrth osod wyneb ffrithiant uchel.
Siaradwch ag arbenigwr >Mae gosod wyneb ffrithiant uchel (HFS) yn ddull allweddol o wella atal sgidio a chynyddu diogelwch ar y ffyrdd. Mewn ymchwil a wnaed gan y Labordy Ymchwil Trafnidiaeth, gwelwyd bod HFS yn lleihau damweiniau mewn tywydd gwlyb 57 y cant a damweiniau’n gyffredinol 5.5 y cant, sy’n gyfystyr â gwerth atal o £24 miliwn y flwyddyn. Os ydych wedi nodi lleoliadau hanfodol ar draws eich rhwydwaith ffyrdd, mae gosod wyneb ffrithiant uchel yn ddull gwydn ac effeithiol a fydd yn gwella diogelwch eich ffyrdd yn ddramatig.
O brofiad, rydyn ni’n gwybod y bydd pob prosiect yn amrywio yn dibynnu ar y math o wyneb ac amodau traffig, Efallai eich bod yn monitro wynebau a thraffig y tu allan i ysgol leol, neu efallai eich bod yn edrych yn fanwl ar slipffordd ar draffyrdd sydd â thraffig trwm? Rydyn ni’n rhan o’r WJ Group ehangach, yr unig gontractwr yn y DU a ardystiwyd gan y British Board of Agrément (BBA) i osod bob un o’r pum system HFS Math 1 a gymeradwywyd gan HAPAS. Mae’n sefyllfa unigryw sy’n ein galluogi i ddewis, o blith amrywiaeth lawn o dechnolegau, y dulliau mwyaf priodol sy’n bodloni eich cyllideb, perfformiad, tywydd ac amodau’r safle lleol.
Mae systemau sy’n cael eu gosod yn boeth yn defnyddio rhwymyn resin a chymysgedd o bocsit calsit ac agregau mân sydd wedi’u cymysgu’n barod fel rhan o’r broses weithgynhyrchu. Wrth gael ei gynhesu mewn offer arbenigol ar y safle, mae’n toddi, sydd yna’n cael ei osod gan ein gweithredwyr medrus drwy ddefnyddio’r dull lefelu, a bydd yn caledu wrth oeri.
Mae systemau sy’n cael eu gosod yn oer yn cynnwys dwy neu fwy o gydrannau cemegol, gan gynnwys o leiaf un hylif. Mae’r cydrannau’n cael eu cymysgu, ac ar ôl eu cyfuno, mae proses galedu yn cael ei rhoi ar waith. Mae’r broses galedu rhwymol yn glynu at yr agregau ac yn clymu’r system i’r wyneb. Unwaith y bydd wedi’i gwblhau, gellir sgubo’r agreg sy’n weddill a gellir ei ailddefnyddio.
Fel rhan o’r Grŵp WJ, mae gennym fynediad at holl gynnyrch WJ. System wyneb ffrithiant uchel perchnogol Math 1 yw WeatherGrip gydag oes o bump i 10 mlynedd. Yn addas ar gyfer diffinio llinellau terfyn, llwybrau teithio llesol neu rodfeydd i gerddwyr.
Proses 3 Cam
Siaradwch ag arbenigwr
Siaradwch ag un o’n tîm heddiw i ddarganfod pa wasanaethau a chynhyrchion sy’n addas ar gyfer eich prosiect.
