Triniaethau Arwyneb ar gyfer Ffyrdd Diogelach

Cadwch a diogelwch wyneb eich priffyrdd gyda’n dulliau cynhwysfawr o Selio Craciau ac Atgyweirio Uniadau. Rydyn ni’n cynnig dulliau sy’n cael eu gosod yn boeth ac yn oer a gynlluniwyd i ymestyn oes wyneb unrhyw ffordd. Mae ein hagwedd ragweithiol at ansawdd wynebau ffyrdd yn monitro ac yn mynd i’r afael â dirywiad cynnar, yn selio ffyrdd er mwyn sicrhau diogelwch a hirhoedledd gwell. O leihau’r dŵr sy’n ymdreiddio i gyfyngu ar erydiad yn sgil effaith teiars, mae ein dulliau atgyweirio asffalt wedi’u cynllunio i gynnal wyneb y ffordd yn ei gyfanrwydd.

Boed yn rhwydweithiau ffyrdd lleol neu’n briffyrdd strategol, mae ein gwasanaethau’n sicrhau bod cyn lleied o ffyrdd â phosib yn cau ac yn rheoli traffig yn effeithlon. Mae ein taeniadau craidd yn cynnwys selio craciau neu uniadau (overband), llenwi a selio craciau neu uniadau, a mewnosodiad ar gyfer Craciau Sengl neu Luosog.

Beth am wella gwytnwch a gallu eich rhwydwaith ffyrdd i atal sgidio gyda’n dulliau ailweadu, ffordd arall sy’n gost-effeithiol ac yn tarfu cyn lleied a phosib o ran ailosod wynebau’n llawn neu drin wynebau. Mae delio â chyfyngiadau’r gyllideb tra’n sicrhau diogelwch cymunedol a tharfu cyn lleied a phosib ar ddefnyddwyr ffyrdd yn her rydyn ni’n ei deall ac yn gallu helpu i’w goresgyn. Mae ailweadu yn ymestyn oes eich ffyrdd o dair neu bedair blynedd ac yn cael gwared ar yr angen i ailosod marciau a stydiau ar y ffordd yn rheolaidd.

Mae ein dulliau ailweadu yn hyblyg ac yn hynod o effeithiol – o adfer nodweddion atal sgidio ar briffyrdd i gael gwared ar gronni rwber ar redfeydd awyrennau, adfer lliw i wynebau addurniadol a gweithredu fel rhag-driniaeth ddelfrydol cyn trin wyneb y ffordd. Ailweadu proses effeithlon, uchel ei hallbwn, sy’n gallu trin ardaloedd mawr mewn un shifft heb fawr o ofynion rheoli traffig.

Gallwch wella diogelwch ar y ffyrdd gyda’n proses ddatblygedig o osod wyneb ffrithiant uchel. Fel contractwr mwyaf blaenllaw y DU, rydyn ni’n cynnig amrywiaeth eang o systemau sydd wedi’u profi i wella atal sgidio, byrhau amseroedd brecio a lleihau cyfraddau damweiniau yn sylweddol. O draffyrdd prysur i strydoedd wrth ymyl ysgolion, mae ein dulliau wedi’u teilwra i fodloni eich anghenion penodol ac i sicrhau diogelwch eich rhwydweithiau ffyrdd.

Mae ein lle unigryw fel rhan o’r WJ Group, yr unig sefydliad yn y DU a ardystiwyd gan y British Board of Agreement (BBA) i osod pob un o’r pum system Math 1 a gymeradwywyd gan HAPAS, yn ein gosod ar wahân. Rydyn ni’n barod i gynnig dull sy’n gweddu i’ch cyllideb, eich anghenion perfformiad a’ch amodau lleol.