Arbenigedd Lleol, Safon Ryngwladol
Ein nod yw creu dyfodol mwy cynaliadwy drwy ddiogelu ein planed, cefnogi ein cymunedau a darparu gwerth hirdymor i’n holl randdeiliaid.
Siaradwch ag arbenigwr
85%
o gerbydau
gwaith Euro 6.
72%
o gerbydau’r cwmni yn
rhai trydan hybrid.
90%
o wastraff yn cael ei
ddargyfeirio o safleoedd tirlenwi.
85%
o gerbydau
gwaith Euro 6.
72%
o gerbydau’r cwmni yn
rhai trydan hybrid.
90%
o wastraff yn cael ei
ddargyfeirio o safleoedd tirlenwi.
Deall ein hôl troed carbon
Mae gennym ddyletswydd i’n hamgylchedd i leihau ein heffeithiau ac i chwarae ein rhan i sicrhau ei fod yn cael ei drosglwyddo i’r genhedlaeth nesaf heb niwed. Mae Nolan Roadmarking yn gwneud gwaith hollbwysig, a allai achub bywydau, ond rydyn ni’n sylweddoli bod ein gwaith yn cael effaith ar yr amgylchedd.
Fel rhan o’r WJ Group, rydyn ni’n cydweithio ymhellach i ddeall beth yw ein heffaith. Mae hyn yn golygu ein bod bellach yn monitro patrymau defnydd ynni gwahanol drwy ddefnyddio ein cyfrifiannell ôl troed carbon thermoplastig. Mae hyn yn ein galluogi i ddeall ôl troed carbon pob un o’r deunyddiau a ddefnyddiwn. Ond mae’n mynd ymhellach o lawer na hyn ac yn ceisio’n weithredol i liniaru ein heffaith lle bynnag y bo modd ac i amddiffyn adnoddau a’n harwain ar hyd y daith ddatgarboneiddio.
Ffordd i Net Zero erbyn 2032
Cwmpas 11
Daw allyriadau Cwmpas 1 o ffynonellau uniongyrchol fel y cerbydau a’r peiriannau a ddefnyddiwn. Fel rhan o’r WJ Group, ein her fwyaf yw ein fflyd fawr o dros 220 o lorïau, sef ein prif ffynhonnell allyriadau. Rydyn ni wedi bod yn rhagweithiol wrth leihau’r allyriadau hyn, gan gychwyn mesurau fel dylunio cerbydau newydd, hyfforddiant sylweddol i yrwyr, telemateg i fonitro gyrru’n ddiogel ac yn effeithlon o ran tanwydd a chymell gwelliannau gyda chynllun gwobrwyo i yrwyr. Ar ben hyn, rydyn ni wedi newid i geir trydan neu hybrid lle bo’n bosib. Dros nifer o flynyddoedd, mae’r strategaeth hon wedi arwain at ostyngiad cyson mewn allyriadau o’i gymharu â’n trosiant a’n milltiredd, gan helpu’r grŵp i ennill tystysgrif Marc Planed.
Cwmpas 2 2
Mae allyriadau Cwmpas 2 yn anuniongyrchol, sy’n deillio o’r trydan a’r gwres a ddefnyddiwn. Rydyn ni wedi olrhain ein hôl troed carbon gweithredol drwy fonitro ein defnydd cenedlaethol o drydan a thanwydd, a arweiniodd at ddatgelu bod ein defnydd o fflydoedd disel wedi cyfrannu’n sylweddol. Mewn ymateb, rydyn ni wedi ymgymryd â mentrau amrywiol, fel gweithredu goleuadau LED, defnyddio paneli solar a hyrwyddo ailgylchu ar draws y cwmni. Mae’r camau hyn wedi ein galluogi i leihau ein hallyriadau Cwmpas 2 yn sylweddol.
Cwmpas 3 3
Mae allyriadau Cwmpas 3 yn cyfeirio at allyriadau anuniongyrchol eraill o’n cadwyn gyflenwi, sydd fel arfer yn ffurfio’r rhan fwyaf o allyriadau sefydliad. Fe wnaethon ni sylweddoli bod ein deunyddiau marcio ffyrdd yn cyfrannu’n sylweddol. I fynd i’r afael â hyn, rydyn ni wedi datblygu model ôl troed carbon, sy’n ein galluogi i fesur carbon corfforedig ein cynnyrch yn fanwl. Mae’r model asesu cylch oes o’r crud i’r giât wedi’i ddilysu’n annibynnol ac mae’n cynnig map trywydd clir i leihau allyriadau yn y dyfodol. Rydyn ni’n archwilio ymhellach i ffyrdd o leihau’r allyriadau hyn drwy ddargyfeirio gwastraff o safleoedd tirlenwi, datblygu cynnyrch carbon is, adnewyddu offer a dulliau amrywiol eraill.
WJ Group Forest4
Y tu hwnt i leihau allyriadau, rydyn ni hefyd yn cydbwyso ein hallbwn drwy fentrau fel plannu hanner miliwn o goed ar dros 900 erw o dir rydyn ni’n berchen arno yn yr Alban. Mae’r fenter hon, sydd i fod i gael gwared ar symiau sylweddol o CO2 yn ystod y 40 mlynedd nesaf, yn tanlinellu ein hymrwymiad i gyrraedd sero net erbyn 2032. Drwy gyfuno technoleg a natur, rydyn ni’n ymdrechu i greu dyfodol mwy cynaliadwy i bawb.
Siaradwch ag un o’n tîm heddiw i ddarganfod pa wasanaethau a chynhyrchion sy’n addas ar gyfer eich prosiect.
Siaradwch ag arbenigwr
